BZR Capital NBFI нь ISO/IEC 27001:2022 стандартын гэрчилгээг хүлээн авлаа.

BZR Capital банк бус санхүүгийн байгууллага нь мэдээллийн аюулгүй байдлын менежментийн тогтолцоог олон улсын ISO/IEC 27001:2022 стандартад нийцүүлэн амжилттай хэрэгжүүлж, стандартын гэрчилгээгээ гардан авлаа.

ISO/IEC 27001:2022 стандарт нь мэдээллийн аюулгүй байдлын эрсдэлийн удирдлага, мэдээллийн хамгаалалтын бодлого, үйл ажиллагааны хяналт, дотоод процессын тогтолцоог олон улсын түвшинд баталгаажуулдаг хамгийн өргөн хэрэглэгддэг стандарт юм. Энэхүү гэрчилгээ нь дэлхийн 140 гаруй улсад хүчин төгөлдөр бөгөөд BZR Capital-ийн үйл ажиллагаа мэдээллийн аюулгүй байдлын олон улсын шаардлагыг бүрэн хангаж буйг нотлон харуулж байна.

Гэрчилгээ авснаар байгууллага нь үйлчлүүлэгчдийн мэдээллийн нууцлал, бүрэн бүтэн байдал, хүртээмжийг хамгаалах тогтолцоогоо улам бэхжүүлж, мэдээллийн аюулгүй байдлын тасралтгүй сайжруулалтын зарчмыг хэрэгжүүлэх боломжтой боллоо.

Байгууллагын цаашдын үйл ажиллагаанд өндөр амжилт хүсье.