Төрийн банк ISO/IEC 27001:2022 стандартын гэрчилгээг хүлээн авлаа.

Монгол Улсын Шадар сайдын харьяа Үндэсний Итгэмжлэлийн Төвийн итгэмжлэлтэй Эй Би Эс сертификейшн стандартын баталгаажуулалтын байгууллага нь дэлхийн 140 гаруй улсад харилцан хүлээн зөвшөөрөгдөх, хүчин төгөлдөр үйлчлэх, дотоодын Итгэмжлэл бүхий анхны ISO/IEC 27001:2022 стандартын гэрчилгээг Төрийн банкинд олголоо.

Ингэснээр Төрийн банк харилцагч, үйлчлүүлэгчдийнхээ мэдээллийн аюулгүй байдлыг бүрэн хамгаалахын сацуу үйлчилгээнийхээ чанар, хүртээмжийг нэмэгдүүлэн сайжруулж байгаа юм.

Эй Би Эс сертификейшн стандартын баталгаажуулалтын байгууллага нь Үндэсний Итгэмжлэлийн Төвийн даргын бодлого, шийдвэрийн дагуу цаашид мэдээллийн аюулгүй байдлын менежментийн тогтолцооны стандартын баталгаажуулалтыг шуурхай зохион байгуулан ажиллах болно.