МЭНДЧИЛГЭЭ
Эрхэм хүндэт түнш, хэрэглэгч, хамтран ажиллагч Та бүхэнд энэ өдрийн мэндийг хүргэе.
Эй Би Эс Сертификейшн ХХК нь олон улсын стандартад нийцсэн баталгаажуулалтын үйлчилгээг Монголын бизнесийн орчинд шинэ түвшинд хүргэх зорилготойгоор ажилладаг, хараат бус, мэргэжлийн, итгэл даах байгууллага юм. Бид зөвхөн гэрчилгээ олгодог байгууллага биш — харин байгууллагуудын үнэ цэнийг тодотгож, нэр хүнд, өрсөлдөх чадвар, тогтвортой хөгжлийн суурийг баталгаажуулдаг стратегийн түнш байхын төлөө хичээн ажилладаг.
Бидний үзэл баримтлалын төвд "шударга үнэлгээ", "мэргэжлийн ёс зүй", "хараат бус байдал", "олон улсын итгэмжлэлийн шаардлагад нийцсэн чанартай үйлчилгээ" оршдог. Аудитын үйл явц бүрийг бид байгууллагын дотоод соёл, хариуцлага, амлалт, үнэт зүйлсийг ил тод харуулах боломж гэж хардаг.
Эй Би Эс Сертификейшн ХХК-ийг сонгосноор Та зөвхөн баталгаажуулалтын үйлчилгээ аваад зогсохгүй, олон улсын жишигт нийцсэн менежментийн тогтолцоог төлөвшүүлэх, зах зээлд итгэлцэл бий болгох, шинэ боломжуудыг нээх стратегийн давуу талыг өөрийн байгууллагад бий болгож байна.
Бидэнтэй хамтран ажилладаг эрхэм түншүүддээ гүн талархал илэрхийлж, цаашдын хамтын ажиллагаа маань илүү өргөн боломж, илүү өндөр үр дүн, илүү бат бөх итгэлцлийг бүтээнэ гэдэгт итгэлтэй байна.
Таны байгууллагын үнэ цэнийг баталгаажуулж, ирээдүйн өсөлт хөгжилд хамтдаа хөрөнгө оруулцгаая.
Д. АЛТАНГЭРЭЛ
Гүйцэтгэх захирал
-
Master of Science in Information System, Washington DC, USA
-
Master of Business Administration, MUST, Mongolia
-
ISO/IEC 27001 Certified Trainer, PECB, Canada
-
ISO/IEC 27001 Lead Auditor, PECB, Canada
-
ISO/IEC 27701 Lead Auditor, India
-
ISO 9001, ISO 14001, ISO 45001 Lead Auditor, Exemplar Global
-
ISO 20000-1 auditor, Dubai, United Arab Emirates
-
ISO/IEC 17011, ISO 37001 auditor, APAC
-
ISO/IEC 17021, UNIDO
-
ISO 17065, 37301 auditor, Mongolia
-
CCNA, Virginia, USA
-
Branch Management, Luxembourg
-
Operational Management, Germany
-
Management skills, Germany
УДИРДЛАГЫН АМЛАЛТ
Эй Би Эс сертификейшн ХХК-ийн дээд удирдлага нь дараах амлалтыг гаргаж байна. Үүнд
-
Шударга байдал, хараат бус байдлыг хамгаалах тогтолцоог бүрэн дэмжиж, шаардлагатай нөөцөөр ханган, холбогдох эрх мэдлийг хуваарилна.
-
ISO/IEC 17065 болон ISO/IEC 17021‑1 стандартын бүх холбогдох заалтыг хэрэгжүүлж, шинэчлэл бүрийг дагаж мөрдөнө.
-
Баталгаажуулалтын аудит хийх, дүн шинжилгээ хийх, шийдвэр гаргах үйл явцад аливаа дарамт, нөлөөлөл үзүүлэхгүй.
-
Баталгаажуулалтын схемийн шаардлагыг тогтмол шинэчилж, олон улсын түвшинд хүлээн зөвшөөрөгдөхүйц байдлаар хэрэгжүүлнэ.
-
Байгууллагын бодлого, зорилтыг жил бүр үнэлж, сайжруулалтын арга хэмжээг хэрэгжүүлнэ.