top of page

Стандартын баталгаажуулалтын үйлчилгээ

ISO/IEC 27001:2022

ISO/IEC 27001 нь байгууллагын мэдээллийг системтэй, эрсдэлд суурилсан аргачлалаар хамгаалж, удирдах менежментийн тогтолцоог бий болгох, хэрэгжүүлэх, хянах, сайжруулахад зориулагдсан олон улсын стандарт юм. Энэ стандарт нь мэдээллийн нууцлал (confidentiality), бүтэн байдал (integrity), хүртээмж (availability)-ийг хангахад чиглэсэн Мэдээллийн аюулгүй байдлын менежментийн тогтолцоо (МАБМТ)-г тодорхойлдог.

​

Яагаад ISO/IEC 27001-ийг хэрэгжүүлэх шаардлагатай вэ?

​

✅ Байгууллагын дотоод болон харилцагчийн мэдээллийг хамгаалах

✅ Мэдээллийн алдагдал, эвдрэл, хууль бус хандалтаас сэргийлэх

✅ Мэдээллийн аюулгүй байдлын эрсдэлийг тодорхойлж, бууруулах

✅ Хууль, гэрээ, зохицуулалттай нийцлийг хангах

✅ Ажилтнууд, харилцагч, хөрөнгө оруулагчдын итгэлцлийг нэмэгдүүлэх

​​

ISO/IEC 27001 стандартаар баталгаажуулалтын гэрчилгээ авахын ач холбогдол

​

✅ Олон улсад хүлээн зөвшөөрөгдсөн итгэмжлэгдсэн байгууллагаас гэрчилгээ авах нь:

  • Байгууллагын мэдээлэл хамгаалалтын чадавхыг нотолж, нэр хүндийг өсгөнө

  • Төрийн болон олон улсын тендерт оролцох боломжийг нээдэг

  • Харилцагч байгууллагуудтай хийх гэрээ, түншлэлд давуу тал болно

  • Гэрчилгээ нь гадны этгээдээр баталгаажсан менежментийн тогтолцооны баталгаа болдог.

​

Хэн ISO/IEC 27001-г хэрэгжүүлэх ёстой вэ?

​

✅ Бүх төрлийн байгууллага (төрийн, хувийн, ашгийн болон ашгийн бус)

✅ Мэдээлэл, өгөгдөл, системтэй ажилладаг бүх байгууллага:

  • IT компаниуд

  • Банкууд, даатгал, финтек

  • Эрүүл мэнд, боловсролын байгууллага

  • Үйлдвэрлэл, телеком, барилга

  • Групп, олон салбартай компаниуд

  • Cloud үйлчилгээ үзүүлэгчид

  • Засгийн газрын 2022 оны 207 дугаар тогтоолын хавсралтаар батлагдсан онц чухал дэд бүтэцтэй 216 байгууллага. ​

Баталгаажуулалтын үе шат

1 / Өргөдлийн маягт бөглөх

Өргөдлийн маягтын хамт байгууллагын гэрчилгээ, зөвшөөрөл, тусгай зөвшөөрлийн хуулбар ирүүлнэ. Стандартын дагуу бичиг баримтаа боловсруулсан, дотоод аудит, удирдлагын дүн шинжилгээний хурал хийсэн байна. 

2 / Өргөдлийн маягтын мэдээлэлд үндэслэн баталгаажуулалтын үнийн санал хүргүүлэх

Үнийн саналыг Монгол болон Олон улсын баталгаажуулалтын хүсэлтэд үндэслэн хувилбартай хүргүүлж болно. 

3 / Баталгаажуулалтын гэрээ байгуулах, баталгаажуулалтыг хийж гүйцэтгэх

Баталгаажуулалтын гэрээний нөхцөлийн дагуу анхдагч, магадлан, давтан баталгаажуулалтыг гүйцэтгэнэ. Шаардлагатай тохиолдолд үл тохирлыг залруулах үйл ажиллагааг үнэлнэ.  

4 / Баталгаажуулалтын гэрчилгээ олгох

Баталгаажуулалтын гэрчилгээг гардуулан өгнө. 

Баталгаажуулалтын схем

ABS Certification Audit Diagram.png

Баталгаажуулалтын бодлого, журам

ШУДАРГА БАЙДЛЫН БОДЛОГО

​

  • Эй Би Эс Сертификейшн ХХК нь баталгаажуулалтын үйл ажиллагаандаа шударга байдлыг ямагт эрхэмлэж, бие даасан, ёс зүйт аудитын хандлагыг тогтооно.     

  • Эй Би Эс Сертификейшн ХХК нь баталгаажуулалтын үйл ажиллагаандаа үйлчлүүлэгч, сонирхогч талуудын итгэлцлийг дээдэлж ажиллана. 

  • Эй Би Эс Сертификейшн ХХК нь оролцогч бүх талуудын шударга байдлын ач холбогдлыг ухамсарлах, бодит байдлын хандлагыг дээдлэх, ашиг сонирхлын зөрчлөөс ангид байлгах тогтолцоог бий болгох ба нээлттэй, ил тод байдлыг эрхэмлэж, ажилтны чадамж, үүрэг хариуцлагыг дээшлүүлэх замаар зах зээлд үнэ цэнийг бүтээнэ.  

​

БАТАЛГААЖУУЛАЛТЫН ҮЙЛ ЯВЦ

​​

  • Үйлчлүүлэгч баталгаажуулалтын өргөдөл гаргах

  • Компани баталгаажуулалтын аудиторын нөөц, чадавхын шинжилгээ хийх

  • Компани баталгаажуулалтын аудит хийх

    • Баталгаажуулалтын аудитын хөтөлбөр боловсруулах

    • Баталгаажуулалтын аудитын хугацаа тогтоох

    • Баталгаажуулалтын аудитын баг сонгох, санал авах

    • Баталгаажуулалтын аудитын төлөвлөгөө боловсруулах

    • Үнэлгээнд бэлтгэх 

    • Баримт бичгийн үзлэг, баталгаажуулалтын 1-р шатны аудит хийх

    • Баталгаажуулалтын 2-р шатны аудит хийх

    • Үл тохирол, залруулах ажиллагааны үр нөлөөг үнэлэх 

    • Баталгаажуулалтын аудитын эцсийн тайлан боловсруулах

  • Тайланг баталгаажуулалтын зөвлөл хурлаар хэлэлцэх, зөвлөлийн дүгнэлт гаргах

  • Баталгаажуулалтын шийдвэр гаргах

  • Баталгаажуулалтын гэрчилгээ олгох

  • Баталгаажуулалтын баримт бичгүүд, хадгалалт болон архивлалт хийх

  • Магадлан баталгаажуулалт хийх

  • Давтан баталгаажуулалт хийх

  • Баталгаажуулалтын талаарх мэдээллийг олон нийтэд мэдээлэх 

  • Баталгаажуулагдсан байгууллагын статус, мэдээллийг өөрчлөх

​

​БАТАЛГААЖУУЛАЛТЫГ ТҮДГЭЛЗҮҮЛЭХ, ХҮЧИНГҮЙ БОЛГОХ, ХҮРЭЭГ БАГАСГАХ, ӨРГӨТГӨХ

​

  • Доорх нөхцөлүүдээс нэг эсхүл түүнээс дээш илэрсэн тохиолдолд баталгаажуулалтыг хэсэгчилж эсхүл бүтнээр түдгэлзүүлнэ. Үүнд:

    • Баталгаажуулалтын давтан аудит болон магадлан аудитын үед баталгаажуулагдсан байгууллагын тогтолцоо болон техникийн чадавхад баталгаажуулалтын хүрээнд нөлөөлөхүйц хэмжээний үл тохирол илэрснийг үр нөлөөтэй залруулаагүй, аль эсхүл баталгаажуулалтын байгууллагын дүрэм, журмыг ноцтой зөрчсөн; 

    • Баталгаажуулалтын байгууллагад төлөх ёстой төлбөр, хураамжуудыг тогтоосон хугацаанд төлж барагдуулаагүй;

    • Эзэмшигч, гаднын нөлөөнд автахгүй байдал гэх мэт эрхзүйн байдалд гарсан өөрчлөлтийн талаар баталгаажуулалтын байгууллагад мэдэгдээгүй нь тогтоогдсон;

    • Баталгаажуулалтын гэрчилгээний мэдээллийг санаатайгаар өөрчилж, буруу ашигласан;

    • Өргөдлийн маягт дээр санаатайгаар буруу мэдэгдэл хийсэн;

    • Баталгаажуулалтын гэрээг санаатайгаар мөрдөөгүй;

    • Холбогдох стандартуудыг дагаж мөрдөх чадваргүй болсныг санаатайгаар мэдээлээгүй;

    • Баталгаажуулагдсан байгууллагын холбогдох стандартын хэрэгжилттэй холбоотой ноцтой болон/эсхүл удаа дараа гомдол гарсан;

    • Баталгаажуулалтад багтсан техникийн хүрээний нөөцгүй байх;

    • Баталгаажуулалтын зөвлөлөөс зохистой гэж үзсэн бусад бүх тохиолдолд;

    • Баталгаажуулагдсан байгууллага сайн дураар баталгаажуулалтаас татгалзсан тохиолдолд.

  • Доорх нөхцөлүүдээс нэг эсхүл түүнээс дээш илэрсэн тохиолдолд тухайн байгууллагын баталгаажуулалтыг хүчингүй болгоно. Үүнд:

    • Тухайн байгууллага баталгаажуулалтаасаа сайн дураар татгалзсан;  

    • Түдгэлзүүлснээс хойш 6 сарын дотор үл тохирлыг залруулаагүй;

    • Өөр бусад үндэслэлээр түдгэлзүүлсэн үед тухайн байгууллагаас ямар нэгэн арга хэмжээ аваагүй;

    • Баталгаажуулагдсан байгууллага татан буугдсан;

  • Дараах тохиолдолд баталгаажуулалтын хүрээг өргөтгөнө. Үүнд:

    • Өөр салбарт үйл ажиллагаа явуулахаар баталгаажуулалтын хүрээгээ өргөтгөж байгаа бөгөөд анхдагч аудиттай ижил өргөдлийн маягт бөглөх тохиолдолд;   

    • Баталгаажуулалтын хүрээг урьд нь аудит хийлгэсэн хамрах хүрээтэйгээ нэг ижил бүлэгт багтах салбар руу өргөтгөх тохиолдолд. 

  • Дараах тохиолдолд хамрах хүрээг багасгана. Үүнд:

    • Тухайн байгууллага сайн дураар баталгаажуулалтын хамрах хүрээгээ багасгах хүсэлт гаргасан;

    • Тухайн байгууллагын хамрах хүрээний тодорхой хэсэгт нөөц хүрэлцэхгүйгээс хэсэгчлэн түдгэлзүүлсний дараа хамрах хүрээгээ багасгахыг зөвшөөрсөн.

    • Тухайн байгууллага нь баталгаажуулалтын болон ур чадварын шаардлагад үргэлжлэн нийцээгүй​​

​

БАТАЛГААЖУУЛАЛТЫГ ТҮДГЭЛЗҮҮЛСЭН, ЦУЦАЛСАН ТАЛААР НИЙТЭД МЭДЭЭЛЭХ

​

  • Баталгаажуулалтыг түдгэлзүүлсэн эсхүл хүчингүй болгосон талаарх мэдээллийг Эй Би Эс Сертификейшн ХХК-ний цахим хуудсанд байршуулах болон/эсхүл хэвлэл мэдээллийн хэрэгслээр нийтэд зарлана. ​

Гомдол, маргаан шийдвэрлэх

​​

Гомдол, маргааныг хүлээн авах бүртгэх

  • Баталгаажуулах үйл ажиллагаатай холбоотой санал, гомдол, маргааныг Эй Би Эс сертификейшн  ХХК-ийн info@abscert.mn цахим хаягаар хүргүүлнэ. 

  • Ирсэн санал, гомдол, маргааныг Захиргаа удирдлагын газрын  ажилтан хүлээн авч, бүртгэл үндэслэлтэй эсэхийг ажлын 3 /гурав/ хоногийн дотор судлан тогтоож газрын удирдлагад танилцуулна.

  • Баталгаажуулалттай холбоотой бүх санал, гомдол, маргааныг нэгтгэх, мэдээллийн нууцлалыг хангах зорилготойгоор энэхүү журмын “Гомдол, маргааныг бүртгэх” маягты дагуу бүртгэл хөтөлж баримтжуулан хадгална. 

  • Бүртгэлд санал, гомдол гаргасан иргэн, хуулийн этгээдийн нэр хаяг, холбогдох утас, гомдлын талаарх тодорхойлолт, шийдвэрлэлтийн үйл явц, хариуцах эзэн зэргийг тусгасан байна.

​

Гомдол, маргааныг барагдуулж, шийдвэрлэх

  • Гаргасан гомдол, маргааны төрөл, ангилал, шинж чанараас хамаарч засаж залруулах арга хэмжээг авч, шаардлагатай тохиолдолд баталгаажуулалтын зөвлөлийн хурлаар хэлэлцүүлж, төлөвлөгөө болон удирдамж боловсруулан барагдуулах арга хэмжээ авна.

  • Гомдол, маргааныг барагдуулахдаа аль нэг давуу талын байдлыг ашиглахгүй, шударгаар шийдвэрлэх ба мөрдөгдөж буй стандарт болон холбогдох хууль тогтоомжийг мөрдлөг болгоно.

  • Гомдол, маргааныг барагдуулах ажлыг хэрхэн шийдвэрлэсэн түүний үндэслэлийн талаар санал, гомдол гаргагчид албан ёсоор (албан тоот, э-мэйл, утас, биечлэн мэдэгдэх) мэдэгдэнэ.

  • Баталгаажуулалтын зөвлөлийн хүрээнд бүрэн шийдвэрлэх боломжгүй санал, гомдлыг хэрхэн шийдвэрлэх асуудлыг баталгаажуулалтын газрын хурлаар хэлэлцэж зохих журмаар шийдвэрлүүлнэ.

  • Хэрэглэгчээс гаргасан гомдол, маргааныг баталгаажуулалтын газрын ажилтан нэгтгэн баталгаажуулалтын зөвлөлийн хуралд танилцуулж, байгууллагын үйл ажиллагаанд байх аливаа алдаа, үл тохирол ба бусад асуудлыг сайжруулах арга хэмжээ болгож ажиллана. 

  • Баталгаажуулалтын итгэл найдварыг олж авах буюу хадгалахын тулд тодорхой сонирхогч талуудад гомдол барагдуулах аудитын дүгнэлтийн тухай нууцлаагүй мэдээллийг зохих байдлаар ил тод байлгана.

  • Энэхүү журмаар зохицуулаагүй аливаа асуудлыг Монгол улсын холбогдох хууль тогтоомж, холбогдох бусад дүрэм, журмаар зохицуулна.

Тэмдэг, гэрчилгээ, логоны хэрэглээ

​​​

  • БАТАЛГААЖУУЛАЛТЫН ТЭМДЭГ

    • Баталгаажуулалтын байгууллагын тэмдэг нь Хавсралт 1-д үзүүлсэн загвартай байна. 

    • Баталгаажуулалтын тэмдгийн өнгө хар ба цагаанаар баталсан өнгөний код байна. 

    • Баталгаажуулалтын тэмдгийг загварын дагуу томруулах буюу багасган хэрэглэж болох ба харьцааг нь алдагдуулахгүй байна. 

    • Баталгаажуулалтын тэмдэг нь Certified ISO/IEC 27001:2022 гэх мэт стандартын дугаар батлагдсан оны хамт бичигдсэн байна. 

    • Баталгаажуулалтын тэмдгийг баталгаажуулалт хийлгэсэн байгууллагууд зөвхөн баталгаажуулалтын хамрах хүрээнд, хүчинтэй хугацаанд хэрэглэх эрхтэй. 

​

  • БАТАЛГААЖУУЛАЛТЫН ТЭМДЭГ, ГЭРЧИЛГЭЭ ОЛГОХ

    • Баталгаажуулалтын байгууллага нь баталгаажуулалтын хамрах хүрээнд хүчин төгөлдөр үйлчлэх хугацаанд баталгаажуулалтын гэрчилгээг хэвлэж, тэмдэг, тэмдэг хэрэглэх журмын хамт өгнө. 

    • Баталгаажуулалт хийлгэсэн байгууллагад баталгаажуулалтын гэрчилгээг хэвлэж өгнө. 

    • Баталгаажуулалт хийлгэсэн байгууллага нь баталгаажуулалтын тэмдэг, гэрчилгээг буруугаар ашигласан тохиолдолд баталгаажуулалтыг түдгэлзүүлэх, цуцлах хүртэл арга хэмжээг авна. 

    • Баталгаажуулалтыг түдгэлзүүлсэн, цуцалсан, гэрчилгээний хугацаа дууссан тохиолдолд баталгаажуулалтын тэмдгийг хэрэглэхийг хориглоно. 

    • Баталгаажуулалтыг түдгэлзүүлсэн, цуцалсан тохиолдолд баталгаажуулалтын тэмдэг, гэрчилгээг ажлын 5 хоногийн дотор баталгаажуулалтын байгууллагад буцааж өгнө. 

​

  • БАТАЛГААЖУУЛАЛТЫН ТЭМДЭГ ХЭРЭГЛЭХ, ЗОХИЦУУЛАХ

    • Баталгаажуулалт хийлгэсэн байгууллагууд баталгаажуулалтын тэмдгийг дараах байдлаар хэрэглэнэ. 

      • хэвлэл, сурталчилгааны материал

      • танилцуулга, байгууллагын хэвлэл 

      • ажлын тайлан 

      • баримт бичгүүд, бичгийн хэрэгслүүд

      • зар сурталчилгаа, урамшууллын мэдээллүүд

      • байгууллагын дотор хана, мэдээллийн самбарууд

      • үзэсгэлэнгийн танилцуулга, вэбсайт

      • электрон захидал    

    • Баталгаажуулалтын тэмдгийг бүтээгдэхүүн дээр шууд тавьж болохгүй. Бүтээгдэхүүний дээж, сорьцод байршуулахгүй. 

​

  • БАТАЛГААЖУУЛАЛТЫН ГЭРЧИЛГЭЭ ХЭРЭГЛЭХ, ЗОХИЦУУЛАХ

    • Баталгаажуулалтын байгууллагын  нэр, хаяг болон бусад өөрчлөлтүүд орсон бол баталгаажуулалтын байгууллага гэрчилгээг дахин хэвлэж өгнө.

    • Баталгаажуулалтыг түдгэлзүүлсэн, цуцалсан, гэрчилгээний хүчинтэй хугацаа дууссан тохиолдолд баталгаажуулагдсан  тухай мэдээлэл, сурталчилгааг зогсооно.

    • Баталгаажуулалтын байгууллага баталгаажуулалтын гэрчилгээг буруугаар ашиглах, баталгаажуулагдсан эрх зүйн байдлын талаар хэрэглэгчдийг төөрөгдөлд оруулах байдлаар илэрхийлсэн бол анхааруулах, баталгаажуулалтыг түдгэлзүүлэх, цуцлах зэрэг арга хэмжээг авна.

    • Баталгаажуулагдсан тухайгаа хэвлэлд нийтлэх эсвэл мэдээллийн хэрэгслээр түүний талаар дурдахдаа баталгаажуулалтад хамрагдсан үйл ажиллагааны хамрах хүрээг заавал дурдана.  

​

  • БАТАЛГААЖУУЛАЛТЫН ТЭМДЭГ, ГЭРЧИЛГЭЭНИЙ ХЭРЭГЛЭЭНД МОНИТОРИНГ ХИЙХ

    • Баталгаажуулалтын байгууллагаас гэрчилгээжсэн байгууллагуудад баталгаажуулалтын гэрчилгээ, тэмдгийг хэрхэн ашиглах тухай журмыг танилцуулах ба хэрхэн ашиглаж байгаад хагас жил тутам мониторинг хийж байна. Мониторингийн дагуу дүгнэлт гаргаж харилцагч байгууллагуудад мэдээлэл өгнө.

    • Баталгаажуулагдсан байгууллагуудын гэрчилгээ, тэмдэг хэрхэн хэрэглэж байгаа тухай гомдол ирсэн тохиолдолд шуурхай мониторинг хийж холбогдох арга хэмжээ авна.

​

Хавсралт 1. Баталгаажуулалтын байгууллагын тэмдэг​​​​​​​​​​​​​​​​​​​​​​​​​​

2.png

САЛБАР

КИБЕР АЮУЛГҮЙ БАЙДЛЫН ТУХАЙ ХУУЛЬ

​Онц чухал мэдээллийн дэд бүтэцтэй байгууллага
 

19.1.Онц чухал мэдээллийн дэд бүтэцтэй байгууллагад дараах чиглэлээр үйл ажиллагаа эрхэлдэг байгууллага хамаарна:

  • эрчим хүчний үйлдвэрлэл, дамжуулалт, түгээлт, хяналт удирдлагын систем бүхий байгууллага;

  • цэвэр, бохир ус, дулааны эх үүсвэр, төвлөрсөн хангамжийн болон түгээлт, хяналт удирдлагын систем бүхий байгууллага;

  • хоёр, гуравдугаар шатлалын эрүүл мэндийн байгууллага;

  • хүн, малын гоц халдварт өвчин судлах лаборатори;

  • эм, химийн хорт болон аюултай бодис үйлдвэрлэгч;

  • нэгдсэн төлбөр, тооцоо, гүйлгээний цахим систем бүхий банк санхүүгийн байгууллага;

  • зүй ёсны монополь болон давамгай байдалтай харилцаа холбоо, мэдээллийн технологийн үйлчилгээ эрхлэгч;

  • агаар, төмөр зам, усан зам, автозамын тээврийн зохицуулалт, хяналт удирдлагын систем бүхий байгууллага;

  • түлш, шатахуун импортлогч, үйлдвэрлэгч, түгээгч байгууллага;

  • стратегийн хүнс үйлдвэрлэгч, хадгалагч, түгээгч байгууллага;

  • мэдээлэл, шуурхай удирдлагын төв;

  • үндэсний олон нийтийн радио, телевиз;

  • үндсэн болон дэмжих мэдээллийн систем, суурь мэдээллийн сан хариуцагч байгууллага;

  • дата төв, түүний салбар болон нөөц төвийн үйл ажиллагаа хариуцсан байгууллага;

  • хилийн боомтын хяналт удирдлагын систем хариуцсан байгууллага;

  • стратегийн ач холбогдол бүхий ашигт малтмалын ордыг ашиглах үйл ажиллагаа эрхлэгч;

  • улсын хилээр нэвтэрч байгаа зорчигч, тээврийн хэрэгслийн бүртгэл, хяналт, мэдээллийн нэгдсэн систем хариуцсан байгууллага.

 

19.2.Онц чухал мэдээллийн дэд бүтэцтэй байгууллага дараах үүргийг хүлээнэ:

  • мэдээллийн аюулгүй байдлыг хангах талаар стандартыг нэвтрүүлэх;

  • кибер аюулгүй байдлыг хангах үйл ажиллагаа хариуцсан нэгж, эсхүл албан тушаалтантай байх;

  • кибер аюулгүй байдлын эрсдэлийн үнэлгээг жил тутамд, эсхүл мэдээллийн систем, мэдээллийн сүлжээний өөрчлөлт хийгдэх бүрд хэсэгчлэн, эрх бүхий байгууллагын шаардсанаар тухай бүр хийлгэж, гарсан дүгнэлт, зөвлөмж, шаардлагын дагуу холбогдох арга хэмжээг авч хэрэгжүүлэх;

  • мэдээллийн аюулгүй байдлын аудитыг хоёр жил тутамд хийлгэх;

 

19.3.Энэ хуульд заасан хугацаанд олон улсын стандартын дагуу мэдээллийн аюулгүй байдлын аудит хийлгэсэн бол тухайн аудитын тайланг үндэслэн энэ хуулийн 19.2.6-д заасан мэдээллийн аюулгүй байдлын аудитыг хоёр жил тутамд хийлгэх үүргийг хангасанд тооцно.

Холбоо барих

Хүсэлт илгээсэнд баярлалаа. 

Эй Би Эс сертификейшн ХХК

Хаяг: Сүхбаатар дүүрэг, 1-р хороо,  Чандмань төв, Улаанбаатар хот, 14240

Утас: 976-91108388

Имэйл: info@abscert.mn

Холбоо барих

  • Facebook
  • Twitter

© 2033 by ABS Certification LLC. Зохиогчийн эрхтэй.

bottom of page