Албан журмын даатгагчдын холбоо (АЖДХ) нь жолоочийн хариуцлагын даатгалын тогтолцоог хэрэгжүүлэх, зохицуулах, хяналт тавих чиг үүрэг бүхий төрийн бус байгууллага юм. Даатгалын тухай хуулийн дагуу албан журмын даатгал эрхэлдэг бүх даатгагч тус холбоонд гишүүнээр элсэх үүрэгтэй. Холбоо нь даатгалын мэдээллийн нэгдсэн санг бүрдүүлж, нөхөн төлбөрийн санг удирдах, ослын хохирлыг үнэлэх, даатгуулагчийн эрх ашгийг хамгаалах, олон нийтэд мэдээлэл түгээх зэрэг үйл ажиллагаа явуулдаг.